Beno ba lagunak! Bloga bukatzen ari naiz eta ohizko formatua gustatzen zaionarentzat testu batzuk aukeratu ditut. Testu hauek orain arte esandakoa adierazten dute, animo!

1.  IKTak gizartean egindako ekarpenak
2.  IKTak hezkuntzan egindako ekarpenak
3.  IKTak eta umeak
4.  Konpetentzietan oinarritutako hezkuntza: arazoak
5.  Informatikaren istorioa
6.  Software librea eskolan
7.  Zer dira mapa kontzeptualak
8.  Teknologia berriak hezkuntzan aplikatuak (Kurtso on-line)
9.  Hezkuntza teknologikoa eta IKTBak hezkuntzan aplikatuak
10.  IKTak hezkuntzan (I). Jakingarriak aldizkaria
11.   IKTak Hezkuntzan (II). Jakingarriak aldizkaria.

Laburpen modura, IKTak hezkuntzan egindako ekarpenak:

Gizartea aldatu egin da eta honek egiten dituen eskaerak ere aldatu egin dira. Hezkuntza munduari jarri dion erronka nagusiena hau da: hiritar konpetenteak nahi ditu, hau da, haurrak bereganatu dituen ezagupenak, jarrerak, prozedurak, harremanak eta gizarte ezagupenak testuinguru zehatz eta desberdin batean erabiltzen jakin behar du. Zer suposatzen du honek, ikasleak aldaketan egokitua egon behar dela, testuinguru ezberdinetatik jasotzen duen informazioa ezagupena bihurtu eta erabili behar duela, talde lanetan eta lankidetzan mugitzen jakin behar duela, komunikazioa sustatuz informazioa bereganatuz eta transmitituz, eta digitala den gizarte batean bizitzen jakin behar duela.

Gizarteak egiten duen eskaera honi ezin diogu uko egin, ikasleetan oinarritzen den hezkuntza bultzatu nahi badugu. Gaur egungo                hezkuntzaren egin beharrak zeintzuk dira ordun: ikasle konpetenteak heztea eta hauen garapena bideratzea (konpetentzietan garatzeko aprendizaia, esanguratsua izatea eskatzen du, eraikitzaile den ikuspuntuak ezagupen mota honek errazten du) ; bretxa digitala apurtzea edo txikitzea, ikasle guztiei aukera berdinak emateko eta denontzako den eskola bat lortzeko; eta, eskolako curriculumean IKTak integratzea, ikasleak munduan nola mugitu jakiteko eta irakasleak mundu berri honetan eguneratzeko.

Besterik gabe! Amagoia.

Informazio, komunikazio eta teknologiaren gizartean gaudela onartu behar dugu. Informazio gizartea testuinguru desberdinetatik, denontzako, eta eskugarri den informazioa jaso dezakegulako. Komunikazioaren gizartea da, ezagupenak edukitzea balorea gutxitu  egin delako eta garrantzitsuena, gaur egun, ezagupen horiek elkartrukatzea delako. Teknologi gizartea, ohizko tresnak, arkatza eta papera, bere lekua galdu dutelako eta gaur egun  digital tresnak erabiltzea ekologikoagoa (denboran, esfortzuan, materialetan) delako.

                                                      Hemendik abiaturik, hezkuntzak, ikasleei ematen dien erantzuna aldatu behar duela garbi geratu da ezta!             

  Betiko  moduan ezin dugu jarraitu, gizartea aldatu delako eta  honek eskatzen duena ere   bestelakotu egin delako.

   http://www.eitb.com/audios/radio/detalle/31952/innovacion-educacion/ 

     Besterik gabe! Amagoia.

Internet, you tube, facebook, wedquest, gizarte sareak, …,  entzutearekin bakarrik beldurra ematen didaten kontzeptuak dira! Beldurra, alfabetatugabea sentitzen naizelako; beldurra, IKTak erabiltzea, ezagutzea, gaur egungo gizartean ezinbestekoa bihurtzen ari delako. IKT munduko seme-alaben hezitzaileak izan behar gara eta gu IKTetan hezitu gabeak! Hau mundu hau!

Blok hau, nire, eta nahi duenaren, ezjakintasuna txikitzeko egiten dut. Hezkuntza mundutik abiaturik IKTak zer eta zeintzuk diren; eta, zertarako eta zergatik erabili behar ditugun galderei erantzuna bilatu nahi diet. Nire azken helburua, aprendizaia esanguratsuaren bidez, informazioa ezagupena bihurtzea da. IKTari buruz ditudan tabuak lurperatu nahi ditut eta gure eguneroko lanentzako ezinbesteko tresnak direla frogatu nahi dut!

Nire ezagupenetik hasita, konpetentziak garatzeko erabili behar ditudan tresnak interneten aurkitutako bideoak eta dokumentuak izango dira. Aurrez aurretik barkamena eskatu behar dizuet aurkitu dudan gehiena gaztelaniaz eginda baitago, hala ere, gogoratu beste garai batean aurkitzen genuena soilik ingelesez zegoela eta gaur egun errealitate hori aldatu egin da.

Nire bloga zuen gogokoa izatea espero dut!

Besterik gabe! Amagoia